Turen startar frå Bu på sørsida av Hardangerbrua. Vanlegvis byrjar me med ski på sekken før me tek dei på når me nærmar oss Bunuten. Derifrå går turen vidare i flott og mektig terreng opp mot Storeflåtten på 1616 moh.

Utsynet frå toppen er upåklageleg – midt mellom Folgefonna og Hardangerjøkulen, med panorama utover Hardangervidda. Dette er ein tur som krev både god form og erfaring med lange dagar i høgfjellet.

Turen blir berre gjennomført i trygge snøforhold og stabilt, godt vêr.