Topptur ski

Toppturar på Osafjellet

Osafjellet i Ulvik er eit av dei mest spanande toppturområda i Hardanger, med lange liner, store høgdeforskjellar og utsikt mot fjord, bre og vidde. Her finn du turmål som Onen, Skorsonen, Osaskavlen, Nipahøgdi, Nuten og Kyrelvfjellet.

Guiding på Osafjellet gir ofte ei heilt spesiell oppleving: lite folk, stor natur og lange nedkøyringar i eit område som mange enno ikkje har oppdaga skikkeleg.

Osafjellsvegen går heilt opp til om lag 1100 moh. og blir vanlegvis brøyta til påske, opp til Viermyr på rundt 700 moh. Dette gjer området til eit svært godt utgangspunkt for toppturar både tidleg og seint i sesongen.

Den tidlegaste toppturen me har gjennomført her var siste veka i september, då turen gjekk til Onen i 10 cm pudder. Om våren gir området mange gode moglegheiter for lengre turar og fine nedkøyringar.

Eit anna spektakulært startpunkt er Kjeåsen, den kjende fjellgarden som ligg som eit ørnereir 530 meter over Simadalsfjorden. Herifrå går turen bratt opp mot Onen, før du får ei av dei flottaste nedkøyringane i Hardanger – heile 1100 høgdemeter ned att.

Frå toppen av Onen får du storslått utsikt mot Hardanger, Hardangervidda, Vassfjøro, Folgefonna, Hardangerjøkulen og fjella kring Voss.

Turalternativ

Osafjellet – Onen – Skorsonen
Osafjellet – Osaskavlen – Osete
Kjeåsen – Onen

Sesong

Frå Osafjellet: november – juni
Frå Kjeåsen: april – juni

Vanskegrad

Krevjande

Varigheit

Frå Kjeåsen: 7–9 timar, ca. 1300 høgdemeter, rundt 20 km
Frå Osafjellet: 6–8 timar, ca. 1000 høgdemeter, rundt 20 km

Oppmøte

Coop Granvin kl. 07:00

Minimum deltakarar