Osafjellet

Osafjellet i Ulvik er eit av dei flottaste toppturområda i Hardanger. Her finn du store høgdeforskjellar, lange nedkøyringar og utsikt mot fjord, bre og høgfjell – i eit område der det ofte er god plass.

Onen, Skorsonen og Osaskavlen er blant dei mest spennande turmåla. Kva tur me vel, blir tilpassa snøforhold, vêr, skredfare og nivået i gruppa.

Pris for privat topptur

Guiding på ski i Osafjellet med ei privat gruppe på 1–6 personar.

1–2 personar 6 500 kr

3–4 personar 7 500 kr

5–6 personar 8 500 kr

Pris per gruppe, ikkje per person. Turen blir tilpassa forholda og nivået i gruppa.

Førespurnad om privat topptur

Osafjellsvegen gir tilgang til høgfjellet og gjer Osafjellet til eit spesielt godt utgangspunkt for toppturar. Vegen går heilt opp mot 1100 moh., og blir normalt brøyta eit stykke opp på fjellet gjennom vinteren.

Området byr på mange ulike turmoglegheiter gjennom ein lang sesong. Me har gått topptur her allereie i slutten av september, medan våren ofte gir svært gode forhold for lange turar og flotte nedkøyringar.

Eit meir krevjande alternativ er å starte frå Kjeåsen, den kjende fjellgarden 530 meter over Simadalsfjorden. Herifrå går turen vidare opp mot Onen, med ei lang og spektakulær nedkøyring tilbake mot Kjeåsen.

Frå dei høgaste toppane får du vid utsikt over Hardanger og mot mellom anna Hardangervidda, Vassfjøro, Folgefonna, Hardangerjøkulen og fjella kring Voss.

Aktuelle turar

Osafjellet – Onen – Skorsonen
Osafjellet – Osaskavlen – Osete
Kjeåsen – Onen

Sesong

Osafjellet: november–juni
Kjeåsen: april–juni

Nivå

Krevjande. Du bør vere i god fysisk form og ha erfaring med topptur på ski.

Varigheit

Osafjellet: normalt 6–8 timar, rundt 1000 høgdemeter
Kjeåsen – Onen: normalt 7–9 timar, rundt 1300 høgdemeter

Oppmøte

Normalt Coop Granvin. Tidspunkt og endeleg oppmøtestad blir avtalt før turen.

Gruppestorleik

Privat guiding for 1–6 personar. Pris frå 6 500 kr per gruppe.