Frå Oksenhalvøya får du storslått panoramautsikt over store delar av Hardanger og over fire fjordarmar: Samlafjorden, Sørfjorden, Eidfjorden og Granvinsfjorden. I klarvær kan du også sjå både Folgefonna, Hardangervidda og Hardangerjøkulen med si karakteristiske form.

Dette er ein lang og krevjande tur, men også ei av dei mest minneverdige toppturopplevingane i området når vær og føre spelar på lag. Med litt flaks kan me også få sjå reinsdyr på Oksenhalvøya undervegs.