Fjordsafari og guida toppturar på ski
I samarbeid med Hardangerfjord Adventureguide tilbyr me kombinerte RIB-turar og guida toppturar på ski frå februar til midten av mai.
Med RIB-båt tek Hardangerfjord Adventureguide deg med til startpunktet for turen. Derifrå går turen vidare på ski mot toppen, med store naturopplevingar, flott skikøyring og utsikt mot både fjord, bre og høgfjell.
Bestilling skjer via Hardangerfjord Adventureguide.
Fjordsafari og guida topptur til Onen
Ruta frå Osafjorden er berre tilgjengeleg med båt – og gir ein lang og spektakulær vårtur du seint vil gløyme.
Fjellet Onen (1621 moh.) har stupbratte fjellsider ned mot Simadalsfjorden og Eidfjord, men ruta opp frå veglause Bagnstrond ved Osafjorden byr på variert og artig skikøyring.
På toppen får du panoramautsikt mot Hardangerfjorden, Hardangerjøkulen, Folgefonna og – på klare dagar – heilt til Gaustatoppen.
Ved gode snøforhold er dette ein av dei få turane der det kan vere mogleg å stå på ski nesten heile vegen ned mot fjorden.
Fjordsafari og guida topptur til Oksen
Kombinert RIB-tur og topptur på ski til ein av dei flottaste fjelltoppane i Hardanger.
Frå Oksen har du storslått panoramautsikt over store delar av Hardanger og over fire fjordarmar: Samlafjorden, Sørfjorden, Eidfjorden og Granvinsfjorden.
I klarvær kan du også sjå Folgefonna, Hardangervidda og Hardangerjøkulen med si karakteristiske form. Dette er ein tur som kombinerer fjordoppleving og topptur på ein heilt unik måte.
Video frå opplevingane
Eit lite glimt av korleis fjordsafari og topptur kan opplevast i Hardanger.